News

Konzärtagenda  

Band / Gschicht

Halbwahrheite   

Üsi CD`s

Bilder-Galerie

Gästebuch

Kontakt

 

  

So, nach langem würge u bange, bätte u plange hei mirs ändlech gschafft!!!

Mir hei CD "ABNORMAUNORMAU" fertig gsteut, u si sehr zfide , das mir das Wärch dörfe am Publikum presentiere.

So gseht üsi neui CD us:

 


Die CD isch natürlech bi üs, u im Handu erhäutlech.
Dr gwärblech Vertrieb wird bi dere CD vom Soundservice sichergsteut. Bestellnr.: ZR 040606-2
Jetze isches so wit, dass die CD ou übers Internet cha bstellt wärde u zwar bi www.cede.ch
Hier cha me ou mau ga drilose...
Sogar abelade cha me üsi CD`s vom Internet, z`finde ungerem MusicStore vo iTunes.


 

Das si die 13 Musigtitle  uf dere Schiebe.

1         NOTAUSGANG 3:44  z`lose uf mx3
2        BIS DR MORGE CHUNNT 4:08
3        MINER SCHUE 3:56
4        DÜRE BI ROT 3:47  z`lose uf mx3
5        ABNORMAUNORMAU 4:02  z`lose uf mx3
6        VOLLMOND 4:06
7        FERNWEH 2:59
8        EHRLECH 3:48
9        EWIGKEIT 3:36  z`lose uf mx3
10      ÄRNSCHT 4:33
11       BRUNI ZUNGE 3:10
12      FRÄNZI 3:31 z`lose uf mx3
13      HIE BI ÜS 3:54


Texte zu de Stück

 1         NOTUSGANG 3:44

mir hocke beidi vor em cheminefüür
es wär gwüss e schöne obe gsi
do lütet’s plötzlech a mire tür
i frage mi, wär chönt das si
im stägehuus steit so ne luschi gstaut
mit verklärtem blick
erklärt mir, es göng z’ändi mit dere wäut
und nume är heig dr rettend strick
är wott nume brichte
gar grausami gschichte
fragt mi nach mim gwüsse
und nach mim portemonaie
wo isch dr notusgang
i mues sofort furt vo hie
ab düre notusgang
i wott jetz leine zieh
nüt wi wäg u nume no drus u dänn
es wird mer endgültig z‘gfährlech hie
i triffe ire bar e sone tolli frou
u das chunt würcklech säute vor
endlose bei u schöni ouge hett si ou
i verbrönne mit hut und hoor
es wär scho fasch aus klaar gsi
wo dä gorilla näb mer steit
es fahrt mer totau quer i
wo n‘är dr arm um iri achsle leit
är wott nume brichte
gar grausami gschichte
fragt mi nach mim zahnarzt
ziet mer d’brüue ab
wo isch dr notusgang
si wei aui brichte
gar grausami gschichte
und i ma nüt meh ghöre
drum houe n’ig jetz ab
wo isch dr notusgang
zrügg

2        BIS DR MORGE CHUNNT 4:08

wider mau so ne müede obe,
wit und breit ke fuer in sicht
i warte uf nes zeiche
wo dä lärlouf underbricht
nüt aus lääri strosse, es gfüehl vo einsamkeit
i bi total verlore, we nid ändlech öppis geit
i ha lang gnue gwartet u mer es loch i chopf gstudiert
jetz wird’s äntlech zyt, das öppis passiert
u mir gö wider los
eifach use uf d’stross
steue d’wäut ufe chopf
u lö nie me los
s’louft aues rund
mir fire jedi stund
u gö no lang nid hei
bis dr morge chunt
und mängisch geit‘s mer total mies,
i füehle mi so schwach
de steusch du mi wider uf,
de bringsch du mi wach
i ma nüm im lääri hocke u geng di gliche bilder gseh
u vor luter düme dräie, tüe mir d’finger aui weh
i wähle dini nummere u scho gli si mir uf de bei
mir mache d’lüt verruckt u sowiso nume was mer wei
u mir gö wider los.................
mir läbe hüt u vilich morn u
d’nacht isch gli verbi
so jung wi hüt am abe chöi mer nie me zäme si
u we di ganzi wäut im e loch versinkt u dicki wouche dürezieh
mir zieh düre, u gä s fustdick
düre besser jetz aus nie
u ir gö wider los..................
zrügg


 3        MINER SCHUE 3:56

du hesch immer gmeint du sigsch di beschti
u chönsch mit mer mache wies der gfaut
du hesch immer gmeint das ig i chnöi göi
u dä bi wo z‘letscht de d’rächnig zaut
du bisch immer die gsi wo gäng rächt het
oder hesch es mindistens geng gmeint
hesch immer gseit was guet oder was schlächt isch
u wos mit üs zwöi düregeit
i ha di scho mängisch bi däm typ gseh
so ne schlimsack ihre schale, u dr grips im portemonaie
derfür ha ni jetz meh platz i mir wohnig
emu meh aus du bi ihm, i sim cabriolet

miner schue si gmacht zum loufe u nid zum blibe stoh
du chasch se nümme brämse u ig bi plötzlech nüme do
viu z’lang hani gwartet vo üs hani gründlech gnue
u we d’mer wider z‘noch chunsch de tue n’ig d‘ ouge zue

du bisch nid die wo lang elei isch
wie ne vampir suechsch du dir dini opfer us
we du wider eine ume finger wicklisch
isch aues z‘spät u du sugsch ne langsam us
wi nes spiu mi marionette nimsch du aui fäde i d‘hand
i würdi hüt aus druf verwette du bisch e tüfu imne ängusgwand
ha ghört du sigsch wider eleini du sigisch ganz bös inegheit
jetz ligsch am bode wie ne boxer
dr sieger isch haut geng no dä wo z’letscht no steit

miner schue si gmacht zum...........
zrügg
 

4        DÜRE BI ROT 3:47

s’git mängisch e so tage, do ma
ni mi nid plage u de blib ni haut im bett
für was söu i ufstoh,
we mes doch im bett geng so z’fride hett
wöu wärche git z’tüe, u i ha hüt chli müeh
miner bei u mi chopf si schwär
i bi kaput für vier, u bi müed wi s’tier
u mi tank isch totau läär

i bi düre bi rot, drum macheni blau,
lige use is grüene gras
morn isch’s vilich wider chaut u grau
u nass wie ne weis nid was
i ha ke zyt zum jufle
u ha mit nüt tue scho gnue z‘tüe
u we dr tüüfu uf de stäuze chunt,
hüt bringt mi gar nüt us der rueh

i lo aui hüt lo warte, u schribe de e charte,
i chöm de vilich morn oder so
i blibi hüt chli lige, u tue mi e chli pflege,
fürobe wird’s so oder so
i lige schlapp umenag, u ha ne drink i dr hang
u sowiso nume d’bermudas an
u chumeni nid hüt, ja so chumeni de morn
u morn längt de no lang

i bi düre bi rot, drum macheni
blau, lige use is grüene gras
morn isch’s vilich wider chaut u
grau u nass wie ne weis nid was
i ha ke zyt zum jufle
u ha mit nüt tue scho gnue z‘tüe
u we d’sunne hüt gäge oste ziet,
mi bringt gar nüt us der rueh

chli ir hängematte hange, uf ne chüeli stange plange
u chli gueti musig usem radio
i bi sicher irgendnöime, gits das land woni dervo tröime –
irgend einisch fingen igs de scho
u mis telefon geit und es lüütet lut,
aber i nime nid ab, i nime nid ab
i bi für niemer z’ha, u lo aus lo stah,
i mache hüt nüt ab

i bi düre bi rot, drum macheni
blau, lige use is grüene gras
morn isch’s vilich wider chaut u
grau u nass wie ne weis nid was
i ha ke zyt zum jufle
u ha mit nüt tue scho gnue z‘tüe
u we di ganzi wäut hüt rückwärts
dräit / unger geit, mi bringt gar nüt us der rueh
zrügg

5        ABNORMAUNORMAU 4:02

är geit gäng am sibni us em bett
u sträut sech ganz perfekt sis hoor uf em chopf
är schlüft is stiffe wisse hemli ohni muster
u macht dr gravatte-chnopf
d’schueh schön schwarz u blank poliert,
derzue di früsche hose mit em faut im hosebei
putzt am samstig geng sis outo,
u chunt jede obe pünktlech hei
si treit gäng e näti bluse, lismet socke
u am zistig gits geng rösti z‘nacht
frisiert sit jahre scho di glich frisur
u hett im garte geometrisch ornig gmacht
eduwissi vorhäng a de fänster,
s‘modeblatt ligt uf em stubetisch
us guggerzyt ar wand seit haargenau
wenn das es zyt zum esse isch
si spare ihres gäud für herti zyte,
d‘schwitzerfahne hanget vor em huus
mache nie spontani sache, zum
geburtstag git‘s wi geng e bluemestruss
si gö am suntinami brav go loufe
u beidi si im turnverein derbi
gö jedes jahr zur gliche zyt is
gliche hotel we si zäme i de ferie si
s’isch aus scho geng so gsi - u
s’blibt no lang derbi
si läbe uf em schachbrett - tadulos, perfekt
dezänt und unuffällig, apasst und versteckt
im ne muster ohni fläcke -
wiss u rein wi im spital
s’isch aus so abnormalnormal
zrügg

6        VOLLMOND 4:06

i bi elei im chino ghocket u ha mir ä böse film a gluegt
i ha d’ouge offe vergässe u mi verlat langsam dr muet
ä film mit dunkle gstalte, ire ziemlech dunkle nacht
u so au paar minute wird eine um egge bracht
dr film isch fertig gsi und i bi uf em wäg für hei
und ig ha di ganz zyt s’gfüeu gha i sigi nid elei
e hund fot afo hüle u dr näbu schlicht dür d’gass
i ha hüenerhut am rügge, mini händ si scho ganz nass
u plötzlech hani so nes gfüeu im buch aus wär i säuber i däm film
dr wind macht d’musig u dr mond am himu s‘liecht
s’dräibuech dräit sech i mim chopf und i blettere wie wiud
u niemer weis es ganz genau wär weli rolle spiut

ä chatz isch uf dr suechi nach em nächste abentür
und irgennöime spiut dr luft mit ere aute tür
wit und breit kei mönscheseu i bi eleini uf dr strass
nume wit ewäg da lachet eine u i weis nid für was
wo’s düregeit bi ni mir plötzlech nüm so sicher gsi
der wäg füert mi i dere vollmondnacht am fridhofhag verbi
gedanke striche dür mi chopf, spile mit mire fantasie
es isch aus luege versteckti ouge nume grad uf mi


jetz ligeni i mim bett u schlafe langsam i
schwäbe zwüschem läbe u mire fantasie
zrügg

7        FERNWEHh 2:59

ire beiz do ha ne troffe
es bier steit uf em tisch
e verlorne blick id rundi
i frage mi wär das isch
da fat är a verzelle
vo reise u abentür
was är aus erläbt hett
i sine ouge brönnt es füür
är isch dür d‘wüeschti gfahre
är het dr urwaud gseh
är het gspührt was einsamkeit bedütet
u wie chlin dr mönsch cha si
u wie ig di gschichte ghöre
wo är verzellt bis töif i d‘nacht
da wetti eifach afo fahre
da merkeni wis mi packt
i wett aues hie vergässe
eifach uf und dervo
ohni ziel und ohni plan
und aues hie lo stoh
är hett es brönne i de sohle
är hett es risse i de bei
u we n‘är mau verreiset de chunt är lang nüm hei
är isch immer chli am tröime
i gedanke scho wit wäg
zwüsche hie und irgendnöime mit em fernweh im gepäck
zrügg

8        EHRLECH 3:48

we mer einisch ehrlech si
de chunsch hüt nümme wit
wet immer ehrlech bisch
du chasch nid immer aues ha
wed immer nume dä bisch
wo de würklech bisch
wär aune geng aus gloubt
wird öppe einisch inegleit
u ou dä wo nie het gloge
isch irgendwenn uf d’schnorre gheit
es hübsches gsicht macht no nid rich
isch aber gwüss o nid im wäg
u mänge verfäut sis glück
o wes vor im ufem trottoir läg
us jedem gouner wird e herr
wen är die rächte chleider treit
nid immer isch’s eso passiert
wies gross ir zitig steit
jede spiut si rolle i däm theaterstück
jede sucht für sich dr wäg zu sim grosse glück
mängisch geits dernäbe u mängisch längts
u nid aus isch us gold wo glänzt

wes dr guet geit hesch viu fründe
wode vorher nid hesch gha
wes dr einisch schlächt geit
isch plötzlech keine me da
si rede fründlech zäme
u gäh enander d‘hand
u dräie sech um u wünsche sech is pfäfferland
zrügg

9        EWIGKEIT 3:36

we d’sunne hinger em waud unger geit
u dr näbu siner schatte leit
de merke n‘i geng wie schnäu das d’zyt vergeit
u scho wider isch e tag verbi
u i frage mi was wär anders gsi
ohni mi oder ohni di
we dr mond am himu steit
vergisseni geng wie zyt vergeit
u i frage mi wird aus so witer ga
s‘isch zyt wo aus vergänglech macht
jede tag u jedi nacht
erinnerig isch aus wo du z‘letscht chasch ha
s’isch nümeh so wie früecher
s’wird nie meh so wie hüt
u das wo morn passiert isch ou scho gli verbi
u we n’i töif ir nacht am himu d’stärne gseh
wird aus so chlin u d‘wäut isch niene meh
s’isch nume zyt wo immer witer geit - bis i aui ewigkeit
d’uhr schlat geng im gliche takt
bis mi e ängu oder dr tüüfu packt
u s’läbe chunt u s’läbe geit
d’wäut die dräiht sech z’ringetum
hört nid uf u chert nie um
u verzeut e gschicht wo niene gschribe steit
wo bini gsi vor mire zyt
wo goni hi we’s mi nüm git
u aus wo hört fat vilich wider vore a
zrügg

10      ÄRNSCHT 4:33

är hett e bluetdruck wine outopneu
u d’närve geng blank poliert
schweissusbrüch und e rote gring
u es härz wo fasch explodiert
är hett e stimm wie nes atomchraftwerk
isch elegant wine pflueg im schnee
är hett e blick wi ne kampfhund vor em biss
u wo är düre louft wachst kei grass meh
är isch dä typ wo nie keni fähler macht
u aus geng besser weis
nimm doch nid aus so ärnscht- blib doch e chli locker
nimm‘s doch nid so ärnscht - u gump nid ab em hocker
streck doch mau d’bei ungere tisch
u lo di lo tribe wie ne fisch
hei ärnscht - nimm doch nid aus so ärnscht
är hett e händedruck wie ne schrubstock
u isch am morgefrüeh scho uf adrenalin
si puls schlat höch wie ne näimaschine
u für si haarschnitt bruchts e waffeschin
är hett e schnore wi n‘es maschine-gwehr
u isch modern wines gramaphon
verzeut überau wo’s düregeit
u steit ständig under strom
är isch dä typ wo geng aus besser weis
u nie keni fähler macht
nimm doch nid aus so ärnscht...
är isch e wolf wo ne schafspeuz treit
isch charmant wie ne betonmuur
rücksichtsvou wie nes füür im dach
flexibu wi ne chirchturmuhr
är isch entspannt wi nes abschleppseu
hett es gmüet do lüpfts eim dr huet
isch tolerant wi d’polizei im verchehr
är hett dynamit im bluet
är isch dr bescht wo mer jeh hei gha
s’git nüt wo är nid cha
nimm doch nid aus so ärnscht...
zrügg

11       BRUNI ZUNGE 3:10

dr sämu het’s wie blueme u gniesst am liebste s’läbe
viu durst, dr chopf ar sunne u am liebste aus vergäbe
är isch no nie dr bescht gsi und ou nid grad e gschide
im rächne isch er düregheit u gwüss o fasch im schribe
är hett bis hüt gwüss aus probiert hett krampfet u knorzet
lang am problem umegstudiert, isch schlaflos ume porzet
är isch tag u nacht geng drane gsi mit büffle u mit lehre
u isch trozdäm nid viu witercho mit sire kariere
müeh u erger hei nüt brocht es isch ihm lang nid glunge
doch jetze hett är’s äntlech packt mit ere brune zunge
für mi isch das ganz klaar - i liebe bruni haar
u eis das chasch mer gloube - i ha ou gärn bruni ouge
und hie säge nis jetz lut - i stah uf bruni hut
nume e bruni zunge - bruche ni nid
u mänge tröimt är wär e star vo aune heiss begehrt
eine wo aus ehregast mit der prominenz verchert
es grosses hus, e garte und es outo mit viu chrom
u vom garagetor bis is ufe is bett louft aus mit strom
dr wäg derthäre hett mänge gsuecht nid jede hett ne gfunge
es git es grücht wo seit mi bruchi nume e brune zunge
für mi isch das ganz klaar - i liebe bruni haar....
ganz ohni chraft und ohni saft hett är dä sieg errunge
är isch dr king i dere stadt dank sire brune zung
für mi isch das ganz klaar - i liebe bruni haar....
zrügg

12      FRÄNZI 3:31

i ha gloubt i sigi jetz imun
u heig alles vou im griff
i ha dänkt es preich mi
chum i sig dr käpten vo mim schiff
aber gester z’nacht da hetskracht
i bi vollgas inegheit
i ha mi gwert gäg die macht
s‘het aues nüt abtreit
i bi nüm neutral es isch fatal
u i ha’s eifach la gscheh
es het mi packt ganz brutal
wie scho lang niemeh
hei, hei fränzi
wäge dir schwänzi
hüt mi job, blibe doheim
u dänke nume no a di
hei, hei fränzi
das chönt für gäng si
i weis genau es git für mi
e keini so wie di
i schwäbe e meter über em bett
u kenne mi säuber nüm
weis ganz genau was ig jetz wett
s’dräit aues z’ringetum
bi nüm ganz klaar i mim chopf
läbe nume no ir fantasie
ir stube, ir chuchi und im schopf
u du bisch geng derbi
niemer weis es ganz genau
ob mir üs wider gseh
aber irgendwenn, eso wie denn
u de lö mer’s eifach la gscheh...
zrügg

13      HIE BI ÜS 3:54

s‘git lüt die säge, hie bi üs, do läbsch am änd vor wält
da läbe nume chääsräuft, u die si nid ganz hundert gsträut
dr housi, dr fridu, dr aschi u dr sepp, zum toufe gäbs nid meh
und für ne witz z‘begriffe, bruchs mindestens geng zweh
niene geits so schön u lustig, wie bi üs im ämmitau
d‘meitschi mache d‘giele gluschtig, zwüschem höistock und em stall
alpufzug mit fahneschwinge, ländlermusig dur und moll
und wär ganz guet häre lost, ghört sogar dr rock‘n‘roll
s‘git lüt die säge hie bi üs, sige d‘uhre blibe stoh
da heig sogar dr chääs vom warte löcher übercho
doch ob bim singe, oder bim schwinge,
gäge üs chasch nüt erzwinge
uf dr ganze wält isch nüt so hert,
wie üser herte bärner-gringe
s‘git lüt die säge, hie bi üs, sig d‘landschaft wie medizin
jede het si fride, u d‘asprüch si no chlin
doch wes einisch öppis z‘fire git,
isch jede voll derbi
ja hie bi üs im ämmitau, da schlat dr blitz no i
zrügg


Copyright by ©Zünter