News

Konzärtagenda  

Band / Gschicht

Halbwahrheite   

Üsi CD`s

Bilder-Galerie

Gästebuch

Kontakt

 

 

News

Lang ischs här, aber itz isches so wit, dass es wieder öppis Nöis z'brichte git vo üs. Mir si am letschte Wucheänd im ene Bändwucheänd oberhalb vo Krattige ir Schiihütte gsi, u hei probiert a nöie Sache z'düftle.
Es paar Bilder si schi hie, wo ma cha gseh wies näbem Musige het usgseh.
19.5.2011
 

 

E super Party isch das gsi. Üs hets sehr gfaue u mir danke em Organisator, am Blaue-Aff-Team, de TwoRivers u aune wo schüsch no si dert gsi.

Am 23. Okt 2010 isch es wieder mau sowit, Zünter si  live ds gseh.

Im Blaue Aff am 23 Okt. 2010 stigt d Heimweh-Party mit de Two Rivers u üsere Wenigkeit

 

Mir hoffe uf e gueti Chiubi mitere super Stimmig.

 

 

D'Heidle, üsi Backgroundsängerin, het am Urs Graber am 15.MAi 2010 ir Chiuche Sumiswald ds Ja-Wort gä. Zu däm bsungere Alass hei mir am Fest mit reude für Sie ufgspiut u mit em Hochzytspaar u dr ganze Gseuschaft e schöne Tag chönne verbringe.

Merci no mau für das guete Fest u no mau aues Guete für Eui gmeinsami Zuekunft 17.5.2010

Mir heis gschaft üses kaputte Gästebuch use ds'kippe u no die meiste aute Iitragige i nes Neus ds'zügle.
Somit heit Dir wieder d'Müglechkeit üs e Nachricht z'hingerlah.
13.12.2009

Konzärt isch am letschte Samschtig guet über Bühni gange i dr Braui z'Huttwiu.
Uf jede Fau bedanke mir üs hie bi Heidi u Waldemar Bernet vor Braui z'Huttwiu u natürlech ou bi de Griebunkt für dä guet Abe.
14.12.2009

Ds Konzärt ar Wase-Chiubi isch bi super Wätter am letschte Samstig rächt guet über Bühni gange.
Mir danke hie am Verastauter rächt herzlech für die gueti Organisation, u na nürlech aune Fäns u Müsigintressierte wo si cho lose.
Es isch vielicht ufgfaue, dass mir e neui Bachgroundsängerin hei uf dr Bühni ga. Sie het bie üs "Premiere" gah, u isch aus Nachfougerin vor Sändle zum Isatz cho.
D'Sändle het leider zu üsem Bedure kei Zyt me gfunge, bi üs mitzmache. Sie het haut chli viu um d'Ohre, wüu sie mit em Henry am Huus boue isch, ihn ghüratet het u ou no säuber es Gschäft führt.
Dir Sändle no mou e riese Dank für Die Zyt wo Du bi üs Mitgsunge hesch!!!

Scho lang nüme ghört vo de Zünter, u scho lang kei News meh uf dere Page?
Das isch e Missstand u dä söu behobe wärde.
De es git einiges uf dere Homepage z'aktualisiere!

Z'Wichtigste vorus:

- Zünterkonzärt im Wase am 5.Sept.09
  organisiert vo WaSensation

- Bandzämesetzig isch aktualisiert

- us technische Gründ het z'Gästebuch "offline" müsse gschaute wärde (SPAM-Fluet)

A  A dere Steu wei mir au dene Lüt mau rächt härzlech danke, wo mit ihrer Kritik üs häufe, dass mir üsne Schwechine bewusst wärde. Dir gät üs somit d'Müglechkeit, dass mir üs, ou wes nume mit chline Schritte isch, chöi verbessere. Z'mingst versuche mir mit dene Aregige e chlini Veränderig z'probiere. Merci au dene wo üs ungerstütze.

Leider isch es letschte Fritig ds letzte Konzärt mit üsem langjährige Bassist em "Fredu" gsi.
Es et hüs aber wahnsinnig gfreut, dass mir ar BEA 08, a somene schöne Tag, i so re guete Atmosphäre u vor so GUETEM Puplikum hei dörfe das "Abschlusskonzärt" mit Ihm ds spiele.
Es blibt üs aune nume no am Fredu e riesige Dank us z'spräche, u natürlech ou fürs Puplikum...

MERCI Fredu !!!

 

Es het üs super gfaue am Schatterock, u es het richtig guet ta wieder mau uf dr Bühni d'stah. E Iiblick i dä Abe findet Dir ir Galerie unger
www.schratterock.ch

 

Mir freue üs sehr druf Euch am Schratterock üse neu Bassist, dr Lüthi Roland, chönne vorzsteue.
Es isch leider so, dass üse Fredu, langjärige Bassist, Zünter wot verlah, u vorussichtlech sis Abschlusskonzärt mit üs ar BEA git.
Bim Fredu geit aber si musikalisch Wäg witer, mit diverse Projekt und natürlech d'Eröffnig vore Musigschueu, wo er tatchräftig mitwürkt. Nechers hie drzue erfahret Dir uf dere Site.

Nid verpasse, Zünter gä wieder e mau es Konzärt.
Me Infos unger dr Konzärtagenda

Bärgli-Openair 2007

E super Sach u perfekt organisiert isch es gsi, aber lueget doch säuber, es het ou es paar Biudli www.baergli.ch

 

Zünter LIVE am Bärgli-Openair

Scho bau isch es so wit, u z'Sumiswald fingt wieder z`Bärgli-Openair statt.
Das Jahr mit drbi si ou Zünter. Das freut üs natürlech bsungers bi däm tolle Event mit vor Partie z`si. Meh Info`s findet Ihr zu däm Openair über fougende Link:
www.baergli.ch

 

Bricht ir Wuchzytig vom 3.8.2006

Eis gits no klarzstöue, u zwar mir sie nid vo Ramsei!
Dr Schriberling vor Wuchezytig het sich äuä nume no a Bahnhof chönne erinnere, wo är usgstige isch u vom Brünu isch abgout worde. Das chas ja scho gäh, z`Ämmitau isch haut gross u unübersichtlech für vieli, aber d'Band fühelt sich usschliesslich im Wasen daheim ou we mir im Heimisbach dr Üebigskäller hei. Das isch mit grosser Wahrschinlechkeit uf folgeldes zurügg z`führe: Dr Ursprung vor Band, u die jetzegi Bsetzig, isch houptsächlech im Wase ufgwachse.  Kei Regu ohni Usnahm, u das isch ds Heidi, sie isch aus einzigs Bandmitglied nid ursprünglech us em Wase. Somit het jetze aues wider sini Richtigkeit.

Hie geits zum Zytigsbricht

online CD bsteue

Üsi nöii CD cha jetze ou per Internet bsteue wärde u zwar bi www.cede.ch
Mit em Suechbegriff "Zünter" si mir dert rächt eifach z`finge. Dir heit ou Glägeheit es paar Stück dert z`probelose. Viu Spass... u übrigens:
Vorussichtlech si die Stück vo üs zumene spetere Zitpunkt im Internet ou aus Downloads verfüegbar.
Mir wäre Euch aber hiedrüber uf em loufende bhaute.

Wettbewärb bi www.mundart-rock.ch

Mir hei soäbe verno, dass Dir im Internet drei CD`s vo üs chöit gwinne.
Auso lueget ine uf
www.mundart-rock.ch , es lohnt sich.
Es isch e sehr intressanti Site we mä uf Mundart steit.
de wünsche ig aune viu Glück bim Wettbewärb.




Immer no derbi...

Dr Platz 1 im Radioemme-Charter hei mir zwar velore, aber mir si immer no ufem guete 3.Platz
Das isch für üs immer no e Teil vore ungloubleche Story...
Danke a Radioemme u aune Hörer und Hörerinne

 

Das isch dr Hammer!!!

Mir hei üse erst Patz-1-Song im Radioemme-Charter!
Mir hei üs i Tat u Wahrheit nie drfür ga, vo so öppisem ou nume z`tröime,
doch jetz sim ir bi Radioemme uf Platz 1 im Charter.
Nachdäm wo mir vo Platz15 uf Platz 2 ueche klätteret si, hets üs bereits vom Stühli bäset. Mir heis üs de nid la näh am Samstig säuber der Charter z`lose, u es isch nume no z`gwautig....
We mir vorhär si vom Stüehli geit, de sie mir jetzte eifach glücklech.....
....unbeschrieblech!!!
!!Merci Radioemme u Merci a au dene wo üs ungerstütze oder ungerstützt hei!! 

Eui Zünter

 

Dr absolut Wahnsinn!!!

 !Neu uf Platz 2!
Zünter si mächtig füre cho im Charter vo Radioemme.
Numme uf Grund vo dene, wo für üs gstimmt hei, si mir am 10.6.2006
vor Position 15 uf
Platz 2 ueche klätteret.
Au dene wo für üs gstimmt hei, wei mir hie u jetz ganz härzlech danke.
Es isch schön z'wüsse, dass Euch usi Musig gfaut u das betütet üs sehr viu!
Hie nomau dr Link zum
Radioemme-Charter

Zünter bi Radio-Ämme im Charter

Zu üsem grosse Erstuune hei mirs bi Radio-Ämme i Charter uf Platz 15 gschafft.
Mir hei zwar tröimt dervo, aber hei nie dermit grächnet.
hie no dr Link zum
Radioemme-Charter

Plattetoufi--- schöns Fescht

 

Plattentaufe 2. CD "Abnormaunormau"

u so gseht sie us:

Jetzte isch sie fertig, üsi 2. CD, u mir wei se grad ou no gebührend touffe.

Am 4. Juni 2006 uf dr Wäckerschwend

- Türöffnung 20'00h
- Konzertbeginn 21'30h
- Eintritt Fr. 15.- (kei Vorverchouf)
 

Nach dere schweisstribende Arbeit im Studio, wei mir üses Wärch ändlech am Publikum vorsteue.
Mir freue üs ufene luschtige Abe mit Euch uf dr Wäck.


 

Konzert wurde verschoben!

Es het e Verschiebig mit eim Konzärtdatum gä.
Zwar betrifft das d'Konzärt im Grütli vom 25.Okt.05, wo stattdesse am Chlousetag, am 6.Dez 05, stattfingt. I üsere Konzärtagenda isch das ou ersichtlech.
 


So, jetze aber wieder los!

Es isch so ziemlech still gsi, um Zünter . Was isch äch los?
Heit Dir das Euch ou g`fragt?
Mir Si erstens nid aui ganz gsung gsi, Croci het sich müesse ar Schultere la operiere.
Dr Bems het sich lieber mit hürate u Ching (übercho) beschäftiget.
Dr Brünu het ou kei Zyt gha üs z`manage, wüu er sini Dameris het g`hüratet.
Zudäm hei mir sit em Juni Termine im Tonstudio, u si momentan gäng e chli dran e neui Schibe ufznäh.

Dir gseht mir si trotz üsere Bühniabstinänz nit Tatelos blibe!

u jetze  Achtung!!!
Mir hei wieder  Konzärt planet.....
Lueget doch bir
Konzärtagenda verbi.


 


Aues Guete für`s 2005!!!

u mir wette aune Danke, wo im letschte Jahr mit üs zämegschaffet hei!
Merci viu mau!!!

 

Neu: Gästebuch...

Für aui Die wo sich bis jetze nie hei dr fürgha, üs es e-Mail ds`schriebe, gits jetze ganz neu es Gästebuch. Dir chöit Euch da iitrage u üs öier Ahregige, Wünsch u Sorge kund tue.
Es handelt sich da um es ganz eifachs säuber gmachts
Gästebuech.

Äs sött wieder e mau öppis ga...

Viu hei mir probiert i dr letschte Zyt bi üs im Üebigschäller,aber ds Gfühel uf dr Büni dsi, vermisse mir langsam aber sicher, somit wete  mir wieder vermehrt ufträtte.
We Dir auso es Fescht organisieret u euch üsi Musig gfaut, mäudet Euch doch bi üsem Manager. Wär weiss, villicht si mir scho bau bi Euch "live in Konzärt"...
Kontakt mit em Brünu


e Änderig i üsere Bandbsezig

Zuekünftig si Zünter wieder nume i 5er Bsetzig ungerwägs.
Das isch ou dr Grund, weshaub d`Foto vo dr Rickle  bi dr Bändbsezig fäut. Mir danke Ihre für ds Mitwürke bi üs u wünsche Ihre e gueti Zyt.



Mir si lang abwäsend...

aber mir chöme doch no uf d'Bühni im 2004, u zwar im schöne Ämmitau
z` Eggiwiu
mehr Infos finget Dir hie...



Neui Biudergalerie


Mir möchte a dere Steu, aune ganz härzlich Danke, für dä schön und luschtige Tag wo mir da zäme hei gha.
Biuder vom
Hockey-Plouschmatch und em Fondue si jetze Online.
 

E Plousch-Hockeymatch mit de Zünter

Letschte Samstig hei mir mit es paar Fans u Kollege e chline Plousch-Hockeymatch organisiert. I paar Tag wärdet Ihr einegi Bilder da drzue uf dere Homepage finde.


ds Jahr neigt sich am Ändi zue!!

Konzärtmässig hei mir das Jahr abgschlosse. 
Es het üs e riesegi Freud g`macht Euch ab und zue chli ungerhaute z`ha. Mir wünsche uf däm Wäg au üsne Fründe, Fans u aui wo üs kenne, e schöni Wiehnacht u es guets nöis Jahr

Konzärtabsage

Leider het üs dr Verastauter nachträglech no abgseit. Betroffe sie die fougende Date. 

20. September/6. Dezember:
Party im Lollypub Schwarzsee (FR)

Somit finge die Konzärt nid statt!!!!

Band-Portrait

Üser Portrait si jetze komplett, ou d`Rickle cha jetze bestunt wärde. Dir chöit die Gringe mau ga ahluege

Heit Dir ne scho gseh? 
Dr Artiku über üs het si Wäg i di neui
Coop-Zytig gfunge. 
Dr Erste wo dä Biitrag uf Site 58 entdeckt und üs gmäudet het, isch dr Peter Leuenberger. Mir gratuliere u bedanke üs.
13.3.2003

Dr Biitrag über üs isch die Wuche nid erschine. Wenn das er jetze söu erschine, wüsse mir ou nid. Mir dänke aber, dass sie das irgend einisch wärde veröffentleche. Hie geits zur Coop-Zytig, viellicht isch ja die Wuche öppis drin. Däjenig wo dr Bitrag aus Erste gseht, söu üs doch schnäu es Email schribe. 4.3.2003
 


 

So Jetze wärs gschaft, aui Stück vo üsere bislang erscht Schibe si für Euch hie z`finge...Üsi ersti CD  6.3.03

 

Internet-Auftritt.

Liebe Fans und Intressierte,
Diese Seite befindet sich noch im Aufbau. Es kommen von nun an laufend neue Rubriken hinzu, so dass dies in Zukunft eine gute Informationsplattform über die Mundartrock-Band <Zünter> wird. Via dem folgenden Link findet Ihr noch unsere alte Homepage. 30.12.2002

alte Zünter- Homepage

 

Gruess

    Euer Zünter


Zurück


Copyright by ©Zünter